ÒJÍṢẸ́ ỌLỌ́RUN NI PÁSÍTỌ WA – ÀWỌN ỌMỌ ÌJỌ GBÈJÀ PÁSÍTỌ̀ CHRIS OKAFOR.

Àwọn akọ̀ròyìn ṣe àbẹ̀wò sí ìjọ Mountain of Liberation and Miracle Ministries tí Pásítọ̀ Chris Okafor ti jẹ́ pásítọ̀ àgbà láti gbọ́ ìhà àwọn ọmọ ìjọ rẹ̀ lórí ẹ̀sùn tí àwọn obìnrin fi kan Pásítọ̀ Chris.
Àwọn ọ̀dọ́ obìnrin méjì kan ni a kọ́kọ́ rí, wọ́n ní àwọn kò ní ohunkóhun láti sọ lórí ẹ̀sùn náà nítorí pé Pásítọ̀ Chris ti fi gbogbo rẹ̀ lé Ọlọ́run lọ́wọ́ àmọ́ àwọn àgbà ìjọ náà tí a rí da ọ̀rọ̀ náà nù, wọ́n ní irọ́ àti ète láti ọwọ́ àwọn ọ̀tá ìránṣẹ́ Ọlọ́run náà.
Alàgbà Ruben Alufe sọ pé irọ́ ni gbogbo ohun tí wọ́n ń sọ kiri níta náà, èèyàn ire ni Pásítọ̀ Chris, wọ́n kàn fẹ́ ba orúkọ rẹ̀ jẹ́ ni.
Alàgbà Alufe ní ogún ọdún ni òun ti lò nílé ìjọsìn náà àti pé ìsọ̀ ìyàwó rẹ̀ wà ní iwájú ilé ìjọsìn náà nítorí náà, mo mọ Pásítọ̀ Chris dáadáa.
Kín ni ìdí tí àwọn èèyàn ó ṣe pa irọ́ bàǹtàbanta mọ́ òjíṣẹ́ Ọlọ́run? Pẹ̀lú gbogbo dáadáa tí Pásítọ̀ Chris ti ṣe ní àdúgbò náà, òun ló ṣe títì ọlọ́dà òpópónà ilé ìjọsìn náà, ṣé irú èèyàn ire báyìí ni ó wá hu adúrú ìwà ìbàjẹ́ yìí? Irọ́ ni wọ́n pa mọ́ ọn. Alàgbà Alufe ló sọ bẹ́ẹ̀.
Alàgbà mìíràn náà kín ọ̀rọ̀ Alàgbà Alufe lẹ́yìn, ó ní àsìkò tí wọ́n gbé ọ̀rọ̀ náà jáde fi hàn pé irọ́ ni, ibo ni wọ́n wà kí Pásítọ̀ Chris tó ṣe ìgbéyàwó? Wọ́n kàn ń jowú ìyàwó rẹ̀ lásán ni.
Owó ni wọ́n fẹ́ gbà lọ́wọ́ Pásítọ̀ Chris tí wọ́n fi fẹ́ ba orúkọ rẹ̀ jẹ́, kò jọ wá lójú nítorí ara àwọn àdojúkọ tó máa ń wá pẹ̀lú iṣẹ́ ìránṣẹ́ lèyí.
Èmi le fi ọwọ́ sọ̀yà pé òjíṣẹ́ Ọlọ́run ni Pásítọ̀ Chris àti pé irọ́ ni wọ́n pa mọ́ ọn –Alàgbà.

Ọ̀rọ̀ náà ti dé etí ìgbìmọ̀ CAN, ẹ ka ohun tí alága sọ:

Àlága ìgbìmọ̀ àwọn Pásítọ̀ CAN; Pásítọ̀ Stephen Adegbite rọ ilé ìjọsìn Mountain of Liberation and Miracle Ministries láti ṣe àforíjìn fún Pásítọ̀ Chris Okafor kí wọ̣́n sì fún un ní àǹfààní ẹlẹ́ẹ̀kejì láti máa bá iṣẹ́ Olúwa lọ.
Ó wí pé níwọ̀n ìgbà tí ó ti kúnlẹ̀ níwájú ìjọ tó sì tọrọ àforíjìn, niwọ̀n ìgbà tí ó ti ronú pìwàdà tó sì bèèrè fún ìdáríjìn ẹ̀ṣẹ̀ rẹ̀, ọ̀rọ̀ rẹ̀ le padà jẹ́ àríkọ́gbọ́n fún àwọn ọmọlẹ́yìn.
Pásítiọ̀ Adegbite rọ àwọn pásítọ̀ láti di òpó Ọlọ́run mú nínú ọdún titun yìí.
Ìránṣẹ́ Ọlọ́run Osazee William náà kín ọ̀rọ̀ Pásítọ̀ Adegbite lẹ́yìn. Ó wí pé àwọn èèyàn ń hu ìwà tó burú ju èyí lọ àmọ́ nítorí pé Pásítọ̀ ni Chris ni wọ́n ṣe mú ọ̀rọ̀ rẹ̀ mẹ́nu. Ẹ má gbàgbé pé ènìyàn ni pásítọ̀ náà ó sì le ṣe àṣìṣe.
Pásítọ̀ Osazee bèèrè pé èrè wo ni àwọn èèyàn fẹ́ jẹ nínú pípolongo irú ìṣẹ̀lẹ̀ báyìí, ṣé wọ́n fẹ́ tàbùkù Jésù ni àbí wọ́n fẹ́ ba ìránṣẹ́ Ọlọ́run lórúkọ jẹ́? Kín ni ìdí tí ti Pásítọ̀ ṣe gbọ́dọ̀ yàtọ̀? Ṣebí a rí àwọn babaláwo tí wọ́n hu irú ìwà yìí tí kò sì sí ẹni tó pariwo wọn.

Ki lo sele gangan?

Òṣèrébìnrin Doris Ogala ni ó fi èsùn kan Pásítọ̀ Chris Okafor pé odidi ọdún mẹ́sàn-án ló fi bá òun lájọṣepọ̀ pẹ̀lú ìlérí pé yóò fẹ́ òun níyàwó. Ọdún 2017 ni àwọn bẹ̀rẹ̀ eré ìfẹ́ títí tó fi wá fẹ́ obìnrin mìíràn ní ọdún 2025.
Doris ní nítorí Pásítọ̀ Chris ni òun ṣe kọ ọkọ òun nígbà tó ṣe ìlérí pé yóò fi òun ṣe aya. Ó tún wí pé Pásítọ̀ Chris fi fọ́nrán ìbálòpọ̀ òun síta fún ayé wò. Kò tán síbẹ̀ o, Doris fi ẹ̀sùn kan Pásítọ̀ Chris pé ó gba ọ̀pọ̀lọpọ̀ owó lọ́wọ́ òun tó sì dá òun ní gbèsè.
Bákan náà ni Doris fi àwọn àwòrán léde pé Pásítọ̀ Chris fún òun ní ẹgbẹ̀rún mẹ́wàá dọ́là kí òun ó pa ohùn dà sọ pé pásítọ̀ kan tó jẹ́ ọ̀tá rẹ̀ ló ní kí òun ó ba orúkọ rẹ̀ jẹ́.
Bílíọ́nù kan náírà ni Doris bèèrè lọ́wọ́ Pásítọ̀ Chris fún owó gbà-má-bínú fún gbogbo ìbálòpọ̀ ọdún mẹ́sàn-án àti bí àwọn ọlọ́pàá ṣe fi ìyà jẹ òun lórí ọ̀rọ̀ náà.
Lẹ́yìn tí Doris sọ̀rọ̀ jáde, ọ̀pọ̀ àwọn obìnrin mìíràn náà ló ti jáde sọ̀rọ̀ pé Pásítọ̀ Chris bá àwọn lájọṣepọ̀. Lára wọn ni ìyàwó rẹ̀ tẹ́lẹ̀; Bessem Okafor.
Bessem ṣe àlàyé nínú ìfọ̀rọ̀wánilẹ́nuwò kan tó ṣe pé nítorí ìtìjú ni òun ṣe kọ Pásítọ̀ Chris látàrí pé gbogbo obìnrin ló máa ń bá ní àjọṣepọ̀.
Ebere; ẹni kan tó jẹ́ akọrin ninu ìjọ rẹ̀ tẹ́lẹ̀ náà jáde sọ̀rọ̀ sita, ó ní òun kúrò nínú ìjọ náà nígbà tí Pásítọ̀ Chris fẹ́ fi okó tú ìfun òun jáde. Ó ní ọdún 2015 ni òun bẹ̀rẹ̀ sí ní ni ajọṣepọ̀ pẹ̀lú reṛ̀ tí òun sì ṣẹ́ oyún mẹ́rin fún un, oyún karùn-ún ni òun kọ̀ láti ṣẹ́ tí òun sì fi bí ọmọ.
Obìnrin mìíràn náà jáde pé òun àti àbúrò òun ni Pásítọ̀ Chris ń kó ìbásùn fún, nígbà tí àwọn lóyún ni àwọn tó kọ̀, ó ní ọmọ tí àwọn bí jọ Chris bíi ìmumu, obìnrin yìí ní àwọn ṣetán láti ṣe àyẹ̀wò ẹ̀jẹ̀ àwọn ọmọ náà fún ẹ̀rí ohun tí àwọn sọ yìí.
Chidera Okafor; ọmọ Pásítọ̀ Chris náà fi fọ́nrán kan léde, ó ṣe àlàyé pé ọdún 2020 ni òun sá kúrò nílé nígba tí bàbá òun bẹ̀rẹ̀ sí ní fi ọwọ́ pa òun lára. Pásítọ̀ Chris fèsì sí èyí pé irọ́ ni ọmọ náà ń pa.

Facebook Comments Box

Tags: #iweiroyinyoruba #ìwéròyìnyorùbá #NewsOnline chrisokafor dorisogala Iwe Iroyin Yoruba news news online newsinyoruba newsonline pastorchrisscandal pastorscandal scandal

ÒJÍṢẸ́ ỌLỌ́RUN NI PÁSÍTỌ WA – ÀWỌN ỌMỌ ÌJỌ GBÈJÀ PÁSÍTỌ̀ CHRIS OKAFOR.

Àlága ìgbìmọ̀ àwọn pásítọ rọ ilé ìjọ́sìn mountain of liberation láti fún pásítọ̀ chris ní àǹfààní ẹlẹ́ẹ̀kejì.

Adeola Olanrewaju

WOJUOLA FI Ẹ̀SÙN KAN Ọ̀GÁ ỌLỌ́PÀÁ LÓRÍ ÌWÀ ỌMỌ ORÍLẸ̀-ÈDE RERE TÓ HÙ.

Recommended

ÀWỌN AKẸ́KỌ̀Ọ́ ILÉ ÌWÉ GÍGA LASUSTECH MÉJÌ PÀDÁNÙ Ẹ̀MÍ WỌN NÍNÚ ÌJÀM̀BÁ ỌKỌ̀.

Ìròyìn Jákèjádò.

Popular News

Ọwọ́ tẹ ikọ̀ one-chance ní kebbi.

OLÓLÙFẸ́ DA ÁSÍÌDÌ SÍ ỌMỌṢẸ́ Ọ̀RẸ́BÌNRIN RẸ̀ LÁRA.

ILÉ ẸJỌ́ PÀṢẸ KÍ GBOGBO DÚKÌÁ SYLVA Ó DI TI ÌJỌBA.

AYÉ LÓ ṢE ỌLỌ́PÀÁ TÓ YÌNBỌN PA ÈÈYÀN.

ÀWỌN ỌLỌ́PÀÁ ṢE ÀWÁRÍ AYÉDÈRÚ ILÉ ỌMỌ ALÁÌNÍYÀÁ.

Connect with us

Newsletter

Category

Site Links

About Us

Welcome Back!

Create New Account!

Retrieve your password

ÒJÍṢẸ́ ỌLỌ́RUN NI PÁSÍTỌ WA – ÀWỌN ỌMỌ ÌJỌ GBÈJÀ PÁSÍTỌ̀ CHRIS OKAFOR.

Àlága ìgbìmọ̀ àwọn pásítọ rọ ilé ìjọ́sìn mountain of liberation láti fún pásítọ̀ chris ní àǹfààní ẹlẹ́ẹ̀kejì.

Related

Recommended

Popular News

Newsletter

Category

Site Links

About Us

Welcome Back!

Create New Account!

Retrieve your password